Si të kapërceni shqetësimin në detyrat e përditshme. Këshilla nga besimi Islam në përmirësimin e jetës.

Nëse keni rënë dakord ndonjëherë të merrni përsipër një projekt që është jashtë zonës suaj të rehatisë – ndoshta shefi juaj ju ka kërkuar të mbikëqyrni një projekt të ri, ose keni pranuar të bëni diçka për dikë që e dini se ka standarde të larta – atëherë ndoshta keni përjetuar efektet që shqetësimi dhe ankthi mund të kenë në produktivitetin tuaj. Shqetësimi është një vrasës i produktivitetit!

Ka dy mënyra që ankthi mund të ndikojë në performancën tuaj, në varësi të personalitetit tuaj:

1. Nëse je dikush që lulëzon me sfida, mund të rregulloni mirë shqisat për të analizuar situatën: përcaktoni se cilat burime ju nevojiten, planifikoni sa kohë do t’ju duhet dhe ju motivon që të punoni me tepër.
2. Nga ana tjetër, nëse ju jeni si shumë njerëz, sfida mund ta kthejë mendjen tuaj në një rrotullim, të vërë në lëvizje zemrën tuaj dhe të sjellë të gjitha llojet e mendimeve negative në mendjen tuaj – dhe ju mbeteni të ndiheni të mbingarkuar, dhe ndoshta edhe të pafuqishëm.

Njerëzit në kategorinë e dytë mund të fillojnë të dyshojnë në aftësinë e tyre për ta përfunduar detyrën siç duhet ose në kohë. Ju mund të filloni të keni frikë se do të gjykoheni nga të tjerët, të pyesni veten se si do ta përshtatni detyrën me të gjitha gjërat e tjera që duhet të bëni, ose të lini imagjinatën tuaj të lirë dhe të ekzagjeroni pasojat e mundshme të mosbërjes së një pune të mirë.

Ekzistojnë dy reagime të zakonshme kur shfaqet ankthi:

1) Zvarritje

Kur fillon ky ankth, një reagim i zakonshëm është zvarritja. Do të gjeni çdo justifikim për të mos e bërë projektin: papritmas hekurosja duket shumë tërheqëse, ose e gjeni veten duke renditur të gjitha ato letra që keni mbushur në kabinetin tuaj të dosjeve për shumë vite.

Këto janë taktika shmangieje dhe gjithçka që ky grup i njerëzve bëjnë është të shtyjnë dhe rrisin ankthin dhe shqetësime. Ju përfundoni duke bërë një punë të nxituar që ju lë të pakënaqur me cilësinë e punës suaj.

2) Perfeksionizëm

Përgjigja tjetër mund të jetë se ju do të kaloni kohë mbi projektin duke u përpjekur ta bëni atë të përsosur; duke e kontrolluar atë dhe duke e kontrolluar dyfish vazhdimisht. Dhe ju e bëni këtë aq shumë herë, saqë ju humbisni afatin dhe përfundoni duke u ndier i zhgënjyer nga vetja gjithsesi që nuk e keni kryer në kohë.

Çfarë duhet bërë me presionin

Nëse dëshironi të shmangni përfshirjen në njërën nga këto situata, mund t’ju duken të dobishme këto këshilla:

• Kthehuni tek Allahu xh. sh. (Zoti).

Nëse e gjeni veten të shqetësuar për projektin tuaj të ri, merrni një minutë për t’iu lutur Allahut xh. sh. :

“O Allah! Kërkoj strehim te Ti nga brengat dhe pikëllimet…” (Buhariu)

Ju mund të bëni dua sinqerisht nga zemra juaj, dhe gjithashtu të gjeni lutje për pikëllim, trishtim dhe ankth në librin e njohur nga shumë muslimanë në botë “Mburoja e muslimanit” aty do të gjeni lutje, dhikr (përmendje e Zotit) për situata të ndryshme të jetës dhe se si t’i bëni ato.

• Mos dëgjoni pëshpëritjet nga shejtani(djalli/ e keqja). Ato ndonjëherë janë cytje që bëhen në mendjen tonë, në zemrat tona. Mendimet e këqija krijojnë ndjesi negative te energjitë e brendshme në trupin tonë. Ato krijojnë përplasje, të miksuara dhe me egon e dësishirat tona bëjnë një luftë energjish brenda nesh.

Mos u dorëzoni dhe mos u shtyni nga projekti juaj. Dhe mbani mend se “Asgjë nuk do të ndodhë me ne përveç asaj që Allahu ka caktuar për ne.” (Sure ET-Teube (9:51) “Thuaj: “Do të na godasë vetëm ajo që na ka caktuar Allahu; Ai është Mbrojtësi ynë dhe vetëm tek Allahu le të mbështeten besimtarët!”)

(Përkthimi: Prof. Hasan I. Nahi)

Shqetësimi nuk do të ndryshojë shumë, prandaj veproni, bëni më të mirën tuaj dhe mbështetuni tek Allahu.

• Sfidoni ato Mendime Negative.

Nëse keni shumë vetë-dyshim dhe shqetësoheni për aftësinë tuaj për të bërë punën, është shumë e vështirë të vazhdoni me detyrën. Mund të jetë më e lehtë të thuhet sesa të bëhet, por sfidimi i këtyre mendimeve negative duhet bërë. Pyete veten pse nuk beson se mund ta bësh, me ndihmën dhe mëshirën e Allahut xh. sh. . Merrni pak kohë për të gërmuar thellë në vete dhe pyetni veten se çfarë është në të vërtetë në fund të shqetësimeve tuaja.

Cila është më e keqja që mund të ndodhë realisht me këtë projekt?

– Sa gjasa ka të ndodhë kjo?

– A është ky një shqetësim logjik?

Përballja me skenarin më të keq do t’ju ndihmojë të shihni se ndoshta nuk është aq i keq sa mendoni.

Nëse keni vështirësi në gjetjen e burimit të vërtetë të shqetësimeve tuaja dhe shqetësimi po bëhet një problem i vazhdueshëm për ju, mund të jetë e dobishme ta trajtoni këtë me një këshillues të shëndetit mendor, mik që ju kupton dhe të dilni nga ajo situatë.

• De-stres

Nëse shqetësimet tuaja po ju bëjnë të ndiheni të stresuar, merrni pak kohë për t’u qetësuar: merrni disa frymë thellë, bëni një shëtitje të këndshme në natyrë për të pastruar mendjen tuaj, dëgjoni ose recitoni Kur’an ose bëni ndonjë dhikër. “Vërtet, zemrat qetësohen me përmendjen e Allahut! (Er-Ra’d (13:28) “ata që besojnë dhe zemrat e të cilëve kur përmendet Allahu, qetësohen. Vërtet, zemrat qetësohen me përmendjen e Allahut!”)

(Përkthimi: Prof. Hasan I. Nahi)

• Përpunoni prioritetet tuaja

Pasi të keni punuar me ato mendime dhe të qetësoheni, atëherë mund të vazhdoni të planifikoni strategjinë tuaj për të kapërcyer shqetësimet tuaja specifike.

Nëse po kryeni shumë aktivitete në të njëjtën kohë, uluni dhe zgjidhni se cilat janë më të rëndësishmet për të bërë. Disa njerëz e shohin të dobishëm sistemin ABC. Kaloni nëpër gjërat që dëshironi të bëni dhe etiketoni ato:

“A”: Detyrat që janë urgjente dhe të rëndësishme,

“B”: Detyrat që janë të rëndësishme, por jo urgjente,

“C”: Detyrat që nuk janë as urgjente dhe as të rëndësishme.

Pastaj, së pari përqendrohuni në detyrat “A”.

• Krijoni një plan për të përfunduar projektin tuaj

Në vend që të shqetësoheni se nuk do të jeni në gjendje ta përfundoni projektin tuaj në kohë, planifikoni se si do ta përfundoni atë, me afate më të vogla dhe krijoni disa plane emergjence…për çdo rast.

Por nëse gjërat nuk shkojnë sipas planit, thjesht rivlerësoni, ristrategjizojeni dhe vazhdoni.

• Synoni për “mjaft të mirë”

Po, ju duhet të veproni sa më mirë që keni mundësi, Këshilla është e qartë që për besimtarët duhet të praktikonjnë Ihsanin (përpjekja për përsosmëri/përsosmëri) Por shikoni realisht kohën, aftësitë dhe burimet tuaja dhe punoni bazuar në këta faktorë, çfarë do të jetë mjaft e mirë në ato rrethana; ju mund të prisni përsosmëri, por jo përsosmëri nga vetja. Bëj më të mirën.

• Përqendrohuni në detyrën në dorë

Në vend që të përsiatni për shqetësimet tuaja, kthehuni te Allahu xh. sh. , vazhdoni me detyrën që keni në dorë dhe përqendroni energjitë tuaja në të. Do të kuptosh se sapo të kesh bërë fillimin, shqetësimet do të ulen me shpejtësi, sepse po veproni kundër pëshpëritjeve të shejtanit.

I Dërguari (paqja dhe mëshira e Allahut xh. sh.  qofshin mbi të) ka thënë:

Në një sahih sipas Muslimit (Sahih Muslim 2664) sipas Ebu Hureirës profeti Muhamed a.s thotë (në një pjesë të tij): “…nëse ju vjen ndonjë gjë (në formë telashi), mos thuaj: Po të mos e kisha bërë këtë, nuk do të ndodhte kështu e kështu, por thuaj: Allahu bëri/veproi atë që Ai kishte urdhëruar për të bërë dhe ”nëse” e juaja  hap (portën) për Shejtanin.”

Më saktë e gjeni të gjithë shprehjen në linkun Sahih Muslim 2664- Book 46, Hadith 52

Burimi: Bazuar në sugjerimet online të komuniteteve islame në botë dhe mbi studimet e “Amal Stapley”

Ripunuar nga: Mendje e Shëndoshë